DOINGT - FLAMICOURT

                Élle commeune alle a toudis té départie  in dux mourcheux :

                Doingtéch cheuf-iu

                Flamicourt: éch l’hameu voésin éd Péron-ne.

    Doingt ch’étot, dins lés énées mil, ein halé dsur élle voée Francigena, grind pérlérinache qui moénot éd Cainterbury djusqu’à Ronme. Chinq meulins (o molins) au vint is fasaint torner vingt quate pares éd meurles. I n’in resse pus achteure équ dés bielles cataraques.

Ech men-nhir o cailleu éd Gargantuya i l’est fiqué él long d’élle Colongne, éch gayantcailleu, heut éd quate mètes d’heuteur, en in pale dins bécoeup éd légin-nes. Chés armoériesses d’éch seingneur Pierre éd Doingt is fidjuraint dsur élle corniche d’éch l’églisse djusqu’à s’débistraque in 1787.

A seutoér cargé éd chinq ébsints o tortieux pis chuits in cheuf d’ein-ne marlette, ichi élle marlette alle est sévrée éd sin biec pis éd sés pattes, à plèmes hirchées, amoutre chés affoleries érchues pis chés émnaches éd chés voéyaches au lon.

    Flamicourt i l’étot con-nu pa sés hardines o gardins dsur ieu conme chés hortillon-naches d’Anmiens. Chés gardiniers is étaint coeuchés éd caimberlous (chabots éd Caimbrai). Is fasaint élle sint Phocas, leu sint Patron à l’fan jinvier.

Ch'histoére d'éch villache alle est érnarrée dins ch'live DOINGT-FLAMICOURT dsur chés traches éd sin Passié

chuit ein aperchu pérsintié pa :

 

Ch'l'achuchon :

Ramintuveries  éd  Doingt - Flamicourt

Ein live éd 412 paches

                    Fourmat  : 25 x 22,5 chintimètes, à l'frainchaise

                    Couvér : cairton invérloppé

                    Erloéyure : cousure à borlet

                    Papii : couque clachique milinte 120 gr

                    380 pourtraits qu'i 'né n'a huit in quate-coleurs

 

ECMINCHEMINT

Edpis dés dizoain-nes d’énées, gins d’chés villes pis villageos is sont éd pus in pus à voloér ércuéllir pis rin-ne élle mémoére d’éch iu d’leu commeune d’élle fachon élle pus échuchoér possibe. Porquo ein parel assottemint, ein parelle volichion éd s’érloéyer ou passié ?

Chés traches qu’éch timps nos a laissiées as n’sont-is qu’éd matchière obin i n’a-t-i d’eutes loéyins, éspirituels obin d’affecchion ?

Person-ne én put fare tave vuide d’éch passié et chés documints, chés pourtraits pis témoégnaches, jur à jur rassian-nés, pindint chinq énées pa l’Achuchon Mémoére éd  Doingt - Flamicourt   n’in sont élle preufe in-niape : à travers d’éch l’histoére, élle juographie, mains itou élle sochiolougie, élle vie érligieusse, ch’l’industrie pis ch’l’artisan-nerie, chés ésports, chés écriveux région-nals…, toute i l’est rassian-né dins ch’ch’l’ouvrache-chi por équ caquun i  peuche értreuver sés  « rachin-nes ». A mésure éd chés paches, chuivons chés person-naches chélébes pis értrachons chés fats d’histoére, érvivons chés événemints pis értrimpons-nus d’chés légin-nes d’éch passié chi viux pis autint d’achteure à l’fos : pache qué comprin-ne ésse région, ésse ville, sin villache, ch’est, in quite sourte, s’él fare sien-ne por y porchuire ésse vie, dins ein inviron-nemint pus vivabe, pus amiteux pis pus compréhinsibe.

                                             Danielle PERONNET

                                                                                                                                                                            

 

 

Ch'live a té départie in 17 sécachions

     

 

Ert'nez vou comminde par E-mail

 

ou voillez André BAUDUIN

9, rue de la Scierie 80200 DOINGT-FLAMICOURT - Téléphone 03 22 84 34 39

Alain BARBIER

11, rue Victor Hugo  80200 DOINGT-FLAMICOURT - Téléphone 03 22 84 30 08

 

Pour éch'prix Euros

Edpis l'16-11-2004

erbéïeurs éd ch'site

Te n'intinde pos  TELECHARGE  Real On Player 10

Ch'canchon éd ch'l'achuchon

A Doingt-Flamicourt

Su chl'air  "Aux Champs-Elysées" éd Joe Dassin

Ech'parlache : Alain BARBIER

*********